Bi viel Sunneschiin sin d Mehrhait vo d Binggis und dr Jungi Garde mit e Handvoll Vorträbler uff d Gass an dr Basler Schuelfasnacht in der Innerstadt 2020.

All fünf Joor organisiert s Fasnachts-Comité zämme mit de Volggschuele Basel-Stadt dä Schuel-Fasnachts-Umzug vom Münschter via Freie Strooss, Märtplatz, Rhygass ins Waisehuus. Für die Junge Lälli e Mögligkait e Marschiebig im Goschdym und Larve z mache.

Wo mir uns an däm Donnschtig im Lälli-Käller troffe hän, hett kaine gahnt, as das s ainzigi Pfyffe und Drummle an däre Fasnacht söll gsi sy. Mit viel Freud und e paar au ebitz agspannt sin mr zämme uff dr Münschterplatz an unsere Startplatz gloffe. Bald isch es los gange und mir hän hinter de Primarklasse vom Hinter Gärte Schuelhuus uss Rieche uff d Route dörfe go.

Am Stroosserand hett s fascht eso viel Lüt ka wie amene Morgestraich. Nach knapp enere Stund sin mir ins Waisehuus yboge und hän dört e Schwöbli, e Schoggi-Stängeli und e IceTea byko.

Viele Dangg an unseri Instruggtore und Vorstandsmitglieder, wo uns tatkräftig unterstützt hän und an divärsi Eltere und/oder Lälli, wo uns die folgende Fotene zur Verfiegig stelle.